نون Nooun

Noon-Final-Logos-02
نون هي مجلة بروح المدونة.. عارف يعني إيه مدونة؟ مكان بيجمع مجموعة كبيرة من الناس بتقرا مدوناتهم من غير ما تعرفهم شخصيًا. وكتابات كل المشاركين هي باب مفتوح على رحلات وتطلعات وأرواح جميلة. ناس بتتكلم عن مشاكل كتير نفسية وعاطفية وروحية، وبيتكلموا عن شغفهم.. الشغف بالكتابة.. بالحياة.. بالعلاقات.. بالحواديت.. بالبسمة.. بالناس. وكلام يفرق مع الناس بشكل عام والستات بشكل خاص. ورغم إن الموقع اسمه \"نون\".. نون النسوة، لكنه في الحقيقة مش هدفه يدافع عن المرأة ضد الرجل المعتدي، الرجل هنا شريك، له وجهة نظر تدافع عن حقوقنا كبشر في الحياة بشكل أفضل. نون النسوة أو \"نون\" من \"نـ\"عيط.. \"نـ\"فرح.. \"نـ\"صرخ.. \"نـ\"عبر.. \"نـ\"لوّن بيها. إحنا بنقدم إيه؟ جرّبت قبل كده إحساس إنك تفتح صفحة أو موقع الإنترنت فتلاقي فجأة المكان حواليك بقى دافي، برغم إن كل الحيطان مبقتش موجودة، وتسمع فجأة صوت موسيقى حلوة ومريحة للأعصاب، وتشم من بعيد ريحة خبيز بيتعمل طازة يخليك تجوع؟ من الآخر.. جربت تفتح موقع فتحس إنك في بيتك؟ تؤ.. مش بس بيتك ده بيتك اللي بتتمناه وبتحلم بيه وفيه الناس اللي بتتمنى تكون عايش وبتتكلم وبتتعامل معاهم وبتسمع حواديتهم. ده اللي احنا عايزينك تلاقيه لما تدخل \"نون\".

الدولة مصر


الدولة
الهاتف 01065316346
الايميل admin@nooun.net
الموقع الالكتروني