Loading Events

« All Events

  • This event has passed.

رحلة عبر الزمان نحو النجوم – وادي الحيتان- الفيوم

24 مارس، 2017 @ 8:00 ص - 25 مارس، 2017 @ 11:00 ص

EL170

رحلة لمنطقة وادي الحيتان بالفيوم – رحلة عبر الزمان

لمحبي السفر والسماء ومشاهدة النجوم والتصوير الفلكي
ان شاء الله التجمع هيكون من 8 ل 8:30 عند محطة مترو المنيب كالعادة ..
و التحرك هيكون لما كله يوصل ( تقديرا لظروف المواصلات) على 9 بالكتير

التفاصيل والبرنامج :
التحرك هيكون الساعة 9 (لمراعاة ظروف السفر و أى تأخيرات خارجة عن الإرادة)

في الطريق فيه بريك 10 دقايق اللى عايز يشترى حاجة أو يدخل حمام

اول ما هنوصل وادى الريان هندخل على منطقة الشلالات العريقة و هنفضل هناك لمدة ساعتين
خلال الساعتين دوول اللى حابب ياخد فلوكة أو يأجر ساند بورد (مفيش أى مشكلة لكن أهم حاجة الوقت)

بعد الوصول لمحمية وادي الحيتان هنبدأ رحلتنا عبر الزمان والعصور القديمة حوالى 40 مليون سنة فاتت
هنبدأ بالمتحف المغلق و الموجود فيه حفريات كتير جدا .. و هياكل كاملة للحيتان و المخلوقات البحرية اللى كانت موجودة في المكان ده قديما

هنتفرج علي حفريات بحرية و الهياكل العظمية الموجودة في المتحف المفتوح لعدد كبير من الحيتان و المخلوقات البحرية و هنستمتع بالمناظر الطبيعية الخلابة والمنظر الصحراوى البديع بعد كده هنرجع لمنطقة التخييم و نرتب المخيم بتاعنا

في الفترة دي نقدر نتغدي و نشرب الشاى ع الفحم و نكون صداقات جديدة

وقت الغروب هنتابع مشهد الغروب الجميل و سقوط قرص الشمس الاحمر في الافق من فوق الجبل

بعد الغروب هنبدأ رصد للأجرام السماوية المشهورة في سماء الربيع الجديد زي كوكب الزهرة و كوكب زحل بحلقاته الجميلة و الكوكب الاحمر المريخ و نحدد بعض الكوكبات النجمية بالعين المجردة زي الميزان والعقرب و الدب الاكبر و كسيوبيا و المثلث الشهير هيكون لسه موجود معانا كمان هنشوف بعض التجمعات النجمية المفتوحة والمغلقة و نستمتع بالرصد من خلال التلسكوب لحاجات كتير جدا و جميلة في السما .. كمان مجرتنا العزيزة درب التبانة هتكون واضحة جدا بالعين المجرد و الوقت هيكون مثالى لهواة التصوير الفلكي خصوصاً في غياب القمر اللى مش هيكون ليه أثر طول الليل

اكمان مجموعة الطور و تجمعها النجمي الشهير جدا الثريا و نجمها المتوهج الدبران و بعدها بشوية هيشرق الجبار بسديمه المعروف

يتوسط البرنامج فترات للراحة و السمر حول نار تخييم فيها هنحكي أساطير عن السما و المجموعات النجمية زى ما حكاها القدماء كمان فيه كافتريا في المكان موجود فيها حمام

هنتحرك في حدود الساعة 4:30 لجبل المدورة المشهور و نطلع من فوق الجبل نشوف بحيرة موريس و نتابع الشروق الجديد

التحرك الساعة 6:30 صباح السبت للعودة مرة تانية للقاهرة ..

هتحتاج ايه معاك و انت جي ؟!
1- هتحتاج معاك حاجة تفرشها علي الارض (كوفرته مثلا) أو سليبنج باج أو خيمة .. كمان الكوتشي واللبس لازم يكون مريح و مناسب للطببعة الصحراوية و متنساش الجاكيت عشان الليل برد
2- كمان هتجيب أكلك معاك و الأهم من الأكل هو الماية لأننا في مكان بعيد عن أى شيء نقدر نجيب منه ماية فهتجيب معاك حوالى 4 لتر ماية و ياريت تجيب معاك فحم او خشب لنار السهرة او لزوم الشوى لو هتجيب الحاجة و تشوي هناك
3- عندك كشاف رأس إذا كان موجود
4- تليسكوب إذا كان موجود
5- هواة التصوير الفلكي يجيبوا الكاميرات بتاعتهم
6- كيس لجمع المهملات (احنا ناس نضيفة)

للإستعلام :
محمود الفلكي 0127135286

Details

Start:
24 مارس، 2017 @ 8:00 ص
End:
25 مارس، 2017 @ 11:00 ص
Cost:
EL170
Event Category:
Website:
https://www.facebook.com/events/1142527392511534/?active_tab=about

Venue

وادى الحيتان الفيوم
الفيوم, مصر
+ Google Map
Website:
وادى الحيتان الفيوم